Sunna Ólafsdóttir er menntaður fjölskyldumeðferðarfræðingur og  félagsráðgjafi MA og lauk meistaranámi frá félagsráðgjafardeild Háskóla Íslands 2014.  Hún hlaut starfsleyfi Landlæknisembættisins sama ár. Sunna er einnig með diploma á meistarastigi í sálgæslu. Um þessar mundir er Sunna að tileinka sér nám í EMDR (e. eye movement desensitization and reprocessing) en sú meðferðarnálgun hefur reynst vel í úrvinnslu áfalla, erfiðrar lífsreynslu og áfallastreituröskunar.

Sunna starfaði um árabil hjá barnavernd, lengst af í meðferðarteymi en hún vann áður m.a. í Kvennaathvarfinu, Konukoti og í Grettistaki. Sunna hefur einnig fengist við kennslu og fræðslu en hún er með B.ed kennarapróf frá Kennaraháskóla Íslands.

Sunna starfar sem klínískur fjölskyldumeðferðarfræðingur og félagsráðgjafi og hefur faglega reynslu m.a. í fjölskyldumeðferð fyrir fjölskyldur með víðtækan vanda, s.s. samskiptavanda, fjölskylduerjur, skilnaði, áföllum, missi og ofbeldissamböndum. Nýlega hefur Sunna byrjað að bjóða upp á EMDR meðferð en hún öðlast tilskilin EMDR réttindi síðar á árinu.

Hægt er að bóka viðtal hjá henni með því að hringja í 517 1718 eða senda tölvupóst á mottaka@asm.is