Eygló Ósk (hún) starfar sem sálfræðingur og hlaut starfleyfi frá embætti landlæknis árið 2023. Hún sinnir greiningu og meðferð á sálrænum vanda hjá unglingum og fullorðnum vegna áfalla, kvíða, lags sjálfsmats, þunglyndis og annars tilfinningavanda. Einnig hefur hún mikinn áhuga á að vinna með íþróttafólki.Hún leggur áherslu á hugræna atferlismeðferð (HAM).

Eygló útskrifaðist með meistaragráðu í klínískri sálfræði frá Háskólanum í Reykjavík vorið 2023. Meistaraverkefni hennar fjallaði um andlega heilsu verðandi mæðra. Í meistaranáminu hlaut hún þjálfun á tveimur starfstöðvum, annarsvegar á barnaspítala Hringsins og hinsvegar hér á Áfalla og sálfræðimiðstöðinni. Hún er einnig í örnámi í íþróttasálfræði við Háskólann í Reykjavík og áætluð lok á námi er vorið 2025.

Eygló starfaði sem ráðgjafi- og stuðningsfulltrúi á sérhæfðri endurhæfingargeðdeild (SEG) sem heyrir undir geðsvið Landspítalans árið 2021. Einnig starfaði hún sem ráðgjafi- og stuðningsfulltrúi á barna- og unglingageðdeild Landsspítalans frá árinu 2022-2023 bæði í fullu starfi og einnig samhliða námi.

Eygló var einnig í afreksíþróttum í 20 ár og lokaverkefnið hennar í grunnnáminu í sálfræði fjallaði um algengi niðursveiflu í líðan eftir Ólympíuleikana.