Sjöfn Evertsdóttir

Sjöfn starfar sem sérfræðingur í klínískri sálfræði ásamt því að vera yfirsálfræðingur Áfalla- og sálfræðimiðstöðvarinnar.
Hún fékk útgefið starfsleyfi frá Embætti landlæknis í júlí 2009 sem sálfræðingur og hlaut sérfræðileyfi sem sérfræðingur í klínískri sálfræði í mars 2018.

Sjöfn lauk Cand. psych. námi frá Háskóla Íslands árið 2009 og hóf að því loknu störf sem sálfræðingur á Landspítala Háskólasjúkrahúsi, þar starfaði hún fyrst á Neyðarmóttöku fyrir þolendur kynferðisofbeldis og síðar á öðrum deildum innan LSH. Auk þess starfaði hún um tíma í MST meðferðarteymi Barnaverndarstofu.
Árið 2017 lauk hún Postgraduate Diploma í hugrænni atferlismeðferð frá Endurmenntunardeild Oxford Háskóla, með áherslu á handleiðslu og þjálfun, og meðferð áfalla.
Árið 2021 lauk hún MSc nám í hugrænni atferlismeðferð við Oxford Háskóla og útskrifaðist sem Clarendon Scholar. Rannsóknaverkefnið hennar fjallaði um hentugleika 18 tíma hópmeðferðar fyrir fullorðna þolendur áfalla í æsku.
Þar að auki hefur hún sótt fjölda vinnustofa í gegnum tíðina ásamt því að sinna virkum félagsstörfum innan fagstéttarinnar.

Sjöfn hefur frá árinu 2010 setið í stjórn Félags um hugræna atferlismeðferð en hefur verið formaður félagsins frá 2015. Hún gengdi starfi sem formaður fræðslunefndar innan félags sálfræðinga á árunum 2013-2016 ásamt því að vera í stjórn Félags sjálfstætt starfandi sálfræðinga.
Sjöfn hefur setið í fagráði Dómstólasýslunnar frá árinu 2017 og einnig í fagráði Bergsins- Headspace frá stofnun þess.

Sjöfn sinnir greiningu og meðferð á sálrænum vanda hjá bæði ungmennum og fullorðnum, svo sem vegna áfalla, kvíða, þunglyndis eða samskiptavanda. Hún nýtir meðal annars hugræna atferlismeðferð, hugræna úrvinnslumeðferð og EMDR í sínu starfi, sem og aðrar gagnreyndar meðferðir við þeim vanda sem verið er að vinna með hverju sinni.
Þá veitir Sjöfn einnig einstaklingum, nemum og starfshópum bæði handleiðslu og ráðgjöf ásamt því að halda fræðsluerindi og fyrirlestra fyrir fyrirtæki og stofnanir um sálfræðileg málefni.

Hægt er að bóka tíma hjá Sjöfn í síma 517-17-18 eða með því að senda tölvupóst á mottaka@asm.is